絲絲講場：王建宙招聘體會 港人才出國揀擇
王董尋日出席論壇時講到中國要發展國際市場，香港人才好重要，不過香港人才亦有令佢好頭痛嘅地方，就係唔願意去啲落後地區工作。
內地人才爭搶開荒
中移家大業大，外國業務都有唔少，王董話喺招聘時有啲香港人才好Smart，於是就問佢願唔願意去外國分公司做幾年，結果呢？咁就要睇地區喇，一般而言，歐美係非常願意，東南亞還可以，巴基斯坦就唔喜歡；至於非洲就堅決唔去。
咁內地人才又點呢？王董話有啲行家都喺非洲有公司，而內地人才係爭先恐後咁去新興市場，反而唔去歐美。佢解釋話，喺非洲呢啲發展中國家，做一、兩年業務已經可以有好可觀嘅增長，但係去歐美就好難有咁嘅成績啦！
余絲韻