絲絲講場:大新請財神拜早年

農曆新年就快到,絲絲好多朋友已經換定新銀紙準備派利是,大新銀行執行董事藍章華(John)尋日更請埋財神喺灣仔分行同大家拜早年,佢仲話會再次延長分行服務時間,方便大家辦年貨。

新春前延時服務

John同絲絲講,話大新銀行喺本月二十五日至下月一日,全線分行都會延長營業時間到晚上7時,仲話會準備多啲新銀紙畀客人換,並為客人準備埋利是封。大新銀行零售銀行處產品及市務部主管陳偉思(Vivian)就話,佢哋呢幾年臨近農曆新年都會延長服務時間,睇嚟真係方便咗唔少客人。

大新銀行近年好多推廣都有卡通圖樣,John坦言佢哋特別多小朋友客戶,依家開卡通人物兒童儲蓄戶口仲會有大抽獎,贏咗可以一家三口去旅行,啱晒小朋友儲利是錢,聽聞呢個「小朋友戶口」仲有3個唔同嘅卡通人物配合,分別係多啦A夢、芝麻街及Thomas & Friends。

余絲韻

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率