中航工業截至去年六月底止的中期業績盈轉虧，蝕318.2萬元，雖然基本因素欠奉，不過市場一向對此股都是醉翁之意不在酒，主要是着眼於中航系重組，憧憬集團未來可獲得更多注資項目，一日未正式有着落，股價耐唔耐就會炒一轉，長炒長有。
睇番走勢，中航工業股價去年九月從0.36元起步，短短幾日就急升至0.46元樓上，之後反覆回落，直至去年底才在0.33元水平見底，昨日一支大陽燭反彈，急升8.8%，至0.37元報收，相信漫長的調整已告完成，相信尋日只係熱身，重上舊年0.46元高位，機會應該唔細，止蝕0.33元。
詩詩