自由整合保留帳戶
原來Quincy口中嘅「一個骨」（A Quarter），係指依家僱員可以自由整合自己嘅強積金保留帳戶。Quincy話呢個市場愈嚟愈大，單係康宏客仔嘅保留帳戶，去年就按年多咗50%。
康宏仲特登做咗個調查，發現只有一半人清楚自己嘅保留帳戶資料，更有44%人根本唔知點樣查閱呢方面嘅資料。康宏覺得呢方面發展潛力好大，仲定咗個目標，希望目前約1,200名前線顧問喺今年內全部取得強積金牌照。
咁Quincy自己又點樣管理保留帳戶呢？佢就笑笑口話10年嚟冇轉過工，本身冇保留帳戶，分享唔到經驗畀絲絲參考喎。
余絲韻