絲絲講場：對抗「通脹之虎」張敏華睇準買「磚頭」
新一年終於來臨，到目前為止絲絲啲老友講得最多嘅，除咗「Happy New Year」之外就係「通脹殺到埋身」。尋日絲絲就去咗搵花旗銀行投資策略及研究部主管張敏華（Catherine），向佢請教對今年嘅市場展望，點知Catherine都叫絲絲小心「通脹之虎」。
原來Catherine覺得今年香港嘅通脹可達4.5%，但利率仍喺1%以下，令負利率差距進一步拉闊，所以持有現金好易畀通脹蠶食購買力。
唔捱貴租做業主
咁一向擅於理財嘅Catherine又點樣應付負利率環境呢？原來佢採用一個好簡單嘅方法，就係買「磚頭」，喺之前嘅聖誕及新年假期，佢就趁空閒準備新屋入伙事宜，忙得不可開交。
其實喺金融海嘯時，Catherine眼見租金平咗唔少，所以一直與屋企人租屋住，直至近排佢見租金升得厲害，但利息仍然有一段時間處於低水平，就決定買樓做業主。
余絲韻