絲絲近日出席致富證券32周年晚宴，董事總經理周松堦即場宣布喺國務院發展研究中心中國經濟年鑑社倡導及推動下，喺深圳正式成立「致富資本市場研究院」，目的係為內地企業引進海外嘅資本市場營運理念及操作技術。
周老闆話：「中國政府好鼓勵內地企業走出去，致富過往亦都幫過唔少企業到外國市場上市，我哋希望透過成立研究院，畀企業更多意見。」當晚佢仲為所有員工送上超級大驚喜，就係致富會成立總值1,000萬元嘅「員工福利基金」，呢個福利基金係要畀員工歎世界，買啲會籍畀佢哋享受吓。
余絲韻