呢個巡遊路線都唔算短，由西環屈地街行經中環、金鐘、灣仔直落銅鑼灣鬧市，沿途一直派傳單，提高大眾市民對愛滋病及病毒嘅關注和認識，條路線咁長，呢班義工真係少啲毅力都唔得。
關心愛滋宣揚知識
其實渣打集團近幾年一直都好關注世界上嘅愛滋病問題，○三年開始已發起全球性嘅「關心愛滋行動」，由員工組成嘅「關心愛滋大使」義工隊，未計今年已教咗100萬人有關愛滋病知識。今年睇佢哋咁落力，睇嚟宣揚世界關注愛滋病嘅成績，好可能同佢哋業績一樣，年年創新高，不過至今全世界有超過3,340萬人有呢個病，九成人都唔知情，睇嚟渣打義工隊仲要繼續努力。
余絲韻