中醫師為記者把脈
養生城總策劃梁國維話，中國人富起來，條命矜貴咗，醫療、保健養生大有市場，可以為樓盤做出個溢價。養生城內更請嚟中醫師為記者把脈睇症。絲絲梗係冇蝕底，即刻問吓醫師，因為晚晚好夜先收工，搞到皮膚好差，同埋精神唔係咁好。
中醫師就話如果睡眠不足，最簡單及經濟嘅治療方法，係於每日午時即上午十一點至下午一點期間，用3至5分鐘時間按手心勞宮穴以紓緩不適感，勞宮穴就係輕握拳頭時，中指尖所點嘅位置。絲絲按指示照辦，一按就痛，醫師話如果輕按都痛，即係表示睡眠不足嘅情況愈嚴重，以及心臟機能比較弱，平時就要好好把握時間休息，唔好捱出病嚟。
余絲韻