絲絲講場:黑客襲世銀擺蓋特納上枱

黑客入侵世界銀行!世銀尋日話有人用佢哋嘅名義發出電郵,呢個電郵涉及有關美國財政部部長蓋特納嘅言論,依家美國嘅經濟政策處於非常時期,有任何風吹草動,對全球影響都好大,尤其係官員言論,所以世銀即時澄清,叫人唔好上當,仲話呢個電郵有病毒。

假電郵有官員簽名

事緣有人收到一個由「世銀」發出嘅電郵,內容係話「我哋正考慮我哋嘅立場,附上財政部長蓋特納嘅信件」,同時仲有世銀官員嘅簽名,收信者好奇,會唔會係講人民幣升值、全球經濟增長,抑或想表明自己嘅立場?最後收件者好醒目咁通知世銀,世銀即時澄清話並冇發出相關電郵,估計應該係有黑客入侵。

世銀強調,依家黑客入侵方式五花八門,佢哋已經盡力做好網上保安對抗黑客,又話近期有好多電郵詐騙案,呼籲大家亦要小心開電郵,特別係由銀行發出嘅電郵,就要特別留神。

余絲韻

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率