絲絲講場：劉舜慧生BB極速修身
利信達（00738）行政總裁劉舜慧（Alice）喺八月喜誕麟兒，依家佢已經極速修身，佢笑話冇秘方，只因為坐完月即刻返工，所以瘦得特別快！
兩個月回復苗條
上次利信達公布全年業績時，Alice已腹大便便，話咁快囝囝已經喺八月呱呱落地喇！ＢＢ有七磅幾重，難得Alice可以喺短短兩個幾月內修身成功，回復苗條。
利信達未來會透過推出唔同嘅新品牌成為新增長動力，咁Alice又有冇諗住生產童裝鞋呢？佢冇答到，但就反問大家會唔會買？計絲絲話，做童裝鞋都係一門好生意，先排嗰隻賣童裝嘅「青蛙仔」一上市就升到嘭嘭聲，就證明童裝概念有得做。更何況利信達依家賣咁多女裝鞋，若然做番幾款子母款，一定好Sell得啦！
余絲韻