「蔡沙展」効力33載榮休
除咗出市員與「蔡沙展」感情深厚外，其實傳媒行家亦對佢有好深印象，因為工作關係，傳媒成日要去交易大堂，「蔡沙展」主責管交易大堂保安，所以成日會見到佢。絲絲嘅感覺係佢總愛穿白恤衫，身形少少肥，好好人。
呢位「蔡沙展」做咗33年保安工作，原來早喺「股壇校長」李福兆年代已做緊，差唔多半世人都喺交易所工作，為人傳統、忠心，早已視交易所為自己屋企。
話佢同交易所有緣分，絕對冇錯，因為除咗佢本人，原來佢位太太亦喺交易所交易大堂做保安，更係交易所唯一一位女保安。
今次「蔡沙展」榮休，退休後將會弄孫為樂，日後亦可以揸車送太太返工，非常Sweet Sweet呢！
余絲韻