為期6周教授理財
渣打喺新加坡舉行咗一個為期6周嘅訓練計劃，18名參加者來自中國、杜拜、南韓等唔同地方，全部都係渣打私人銀行客戶嘅子女。渣打一方面趁機會與呢班未來潛在客戶打好關係，另方面又可以及早教育佢哋，當接受數以百萬計嘅財富時會有乜嘢挑戰，呢個訓練計劃可謂一舉兩得。
一眾大客最關注係佢哋嘅下一代，與其留筆錢畀子女，倒不如教佢哋更重要嘅理財知識。據講訓練嘅其中一個環節，係幫渣打諗吓有乜嘢購併目標，喺最後一周就有個財務策劃班，參加者更有機會應徵實習職位，親身感受真實嘅商業運作之餘，仲有得出糧添。
安排咁精彩，相信呢班年輕人應該對渣打留下深刻印象，話唔定將來會做埋渣打嘅客仔呢！
余絲韻