連區域號碼「十條2」
絲絲睇完個電話冧巴，即刻明白晒，因為呢個冧巴係「22222222」，貴價之處在於連埋天津區域號碼「022」，成組電話號碼夾埋就係連續十個「2」，名副其實係「全國最好記嘅號碼」，仲要係全城獨家。
咁有噱頭，即使計落每個「2」盛惠66萬元人民幣，成班內地富商地主爭崩頭都唔出奇。
朋友同絲絲講，話賣家原本經營開鎖公司，之前特意喺朋友手中高價買咗呢組靚號碼，用咗5年幾，最近轉行先諗住割愛轉讓。睇嚟呢位賣家都幾有生意頭腦，識得物盡其用之餘，臨別秋波仲公開拍賣呢個咁有商業價值又唔會折舊嘅電話冧巴，以求賺番一大筆，如果最終成事，絲絲真係要Check吓健力士紀錄大全先得。
余絲韻