穆懷朋拓人幣業務
呢個消息早喺四月時已傳出，穆懷朋係由中國人民銀行借調至金管局出任高級顧問，就促進香港及內地嘅金融合作、推廣及深化香港人民幣業務發展、支持香港金融業拓展內地市場等，提供意見及協助。基於佢嘅專長以及級數，好多人都寄望呢次「借調」可加速香港人民幣嘅業務發展。
穆懷朋喺借調前係人行金融市場司長，據講佢係歷年來港任職最高級別嘅人行官員，以往香港嘅金融監管機構主要向澳洲或英國等地「挖角」，近年則向北望。
不過，人才交流都係朝住有來有往方式，好似金管局前總裁任志剛被人行委任為旗下中國金融學會執行副會長，之後仲加入埋建行（00939）做獨立非執行董事。
余絲韻