講到明係「QQ之父」，佢嘅帳戶冧巴梗係零舍唔同，又靚又易記，絲絲唔想喺呢度公開個冧巴，不過如果有心機喺網上搜尋，其實係會搵到嘅。
求證主編：應該冇錯
絲絲記得第一次見到馬化騰張卡片上嘅帳戶號碼，心諗呢個帳號係咪真係屬於佢？當時即刻向騰訊控股（00700）旗下騰訊網證券嘅主編確認，佢就話：「印在名片上，這號碼應該沒錯，你可以嘗試去邀請他成為朋友，當然你要說明記者身份，讓馬主席知道你是誰啦！」
不過，當對方知道絲絲仲未申請QQ帳戶之後，佢就笑住咁話可以為絲絲準備一個靚嘅QQ號碼，仲話為咗騰訊網與本港財經記者能夠有更多交流，應該研發多一個平台，等大家以後可以保持聯絡喎。
余絲韻