絲絲講場：2GHK商界才俊齊懷舊
歲月會流逝，但回憶不應淡忘。2GHK（2econd Generation Entrepreneur Association）係一個由40歲以下、家人或自己係企業家所組成嘅協會，佢哋喺上周末舉行咗成立四周年晚宴，主題係「我們的老香港」，當晚場面鼎盛，冠蓋雲集，超過160位年輕有為嘅新一代企業家以懷舊服飾出席，香港總商會總裁方志偉亦應邀光臨致詞。
老香港主題賀壽
由於主題係「老香港」，所以無論環境布置、人物裝扮、禮品包等都散發出種種懷舊氣息。晚宴上展出咗唔少懷舊擺設，如舊風扇、舊時鐘、懷舊電話甚至糖葱薄餅箱，赴會嘅參加者亦展示多種懷舊服裝，旗袍、長衫馬褂、紅衞兵服裝等目不暇給，加上晚宴地點位於中環碼頭，不知情者仲以為時光倒流呢！
余絲韻