絲絲講場：黃展威唱K挑戰難度
絲絲早前與香港及新加坡基金銷售網站Fundsupermart.com研究部經理黃展威（Eddy）傾開佢工餘時鍾意做啲乜，原來佢之前所有球類運動都啱，但佢話依家年紀大咗，就鍾意唱卡啦OK多啲，仲要係唱香港流行曲，最鍾意係李克勤嘅歌，好似近期就鍾意唱《嫲嫲》，佢話呢首歌嘅歌詞幾有意思，但要唱得好聽實在有難度，喜歡挑戰自己嘅Eddy就話愈難唱愈鍾意。唔通Eddy想喺興趣同事業上都要做到「零瑕疵」？
投資要持之以恒
至於工作，Eddy讀高中時已經想做分析員，所以之後佢升讀科大就揀咗數學系，又同時選修咗唔少財務系嘅科目，結果呢啲科目嘅成績仲好過數學科，所以就令佢對金融業更有興趣。佢認為投資最重要係持之以恒，當中運用平均成本法作月供投資，令到喺跌市時可以買到更多貨，係唔錯嘅投資方式。
余絲韻