絲絲講場：恒生獲頒國際職安健認證

絲絲嘗試設身處地咁諗，銀行之內究竟要注意邊啲職安陷阱？會唔會係搬運銀紙及硬幣嘅時候好容易扭親條腰？抑或喺數銀紙嗰陣好容易<img src='/font/fa63_5nbk.gif' border='0'/>親？無論如何，發生工傷大家都唔想，尤其係啲「賓卡」個個日理萬機，萬一受傷就絕對係銀行嘅損失。

今次恒生獲得嘅BS OHSAS 18001：2007國際認證，係由英國標準協會（香港）頒發，證明佢哋應用緊嘅職安健管理系統，喺保障員工及顧客於該行範圍內嘅安全方面達到國際標準。

培訓300員工推行管理

身兼職安健管理委員會主席嘅恒生銀行副總經理兼科技及營運總監何慶年就話，佢哋一向重視員工嘅健康及安全，由○一年起已訂立職安健管理政策，仲培訓咗約三百名嚟自唔同部門嘅員工，合力推行職安健管理。

余絲韻