教學生職場上位
香港方面，喺婦女節當日，獅子銀行就與教育局合作搞咗個由佢哋女性管理層主持嘅職業講座，包括大家較為熟悉嘅區佩兒及陳王潔明，另有兩位較為陌生嘅陸麗仁及廖佩玲，向到場嘅250位學生分享佢哋點樣努力喺職場上爭取機會，真係值得聽吓，話晒喺咁大嘅機構能夠上到位絕非易事。
學生哥亦有提出發問，好似想了解一下佢哋點解畢業後一直喺獅子銀行做到依家？現今年輕人乜都快來快去，無論轉工、換畫都係咁，對於佢哋嚟講，喺同一間機構做十幾廿年，又真係有啲難以理解。獅子銀行另一女將馮婉眉亦會喺下周向同事們分享佢嘅成功經驗。
余絲韻