港股連續第三日喺21,000點邊牛皮，個個炒友都靜待內地兩會消息，希望等到最新嘅國策指示，快快搵對入市對象。歐美經濟雖然回穩，但仲係問題多多，內地就年輕力壯，難怪全球熱錢都<img src='/font/c8cf_5nbk.gif' border='0'/>到實，隨時做好入市準備，相信未來幾日應該係決定後市去向嘅關鍵位，炒友宜密切留意。
踏入公布業績期，部分資金又偷步入市買貨，好似隻重慶機電（02722）去年汽車零部件同埋電力設備兩瓣都食到應，估計業績唔會太差。過去半年，班芬佬明刀明槍買貨，只要業績對辦，相信可再度炒上去。早前股價曾回吐到低位，尋日一口氣抽番上50日線，分明想業績前先踢高，亦係代表班芬佬對業績有信心。咁好勢不妨跟炒，博佢穿頂睇2.4元，止蝕位就定1.7元。
古晨