09/02/2010

播放本新聞相關短片
查詢股票編號

絲絲講場:滙豐義工行動愛心家訪

滙豐銀行向來對企業社會責任好有承擔,絲絲聽聞佢哋每年投放喺社會公益方面嘅金額都好龐大,佢哋喺上月底就有近100名義工聯同約2,000名來自工商機構、社福團體及學校嘅義工,參加咗由佢哋全力支持嘅「滙豐愛心傳城義工大行動」誓師服務日,去咗深水埗區探訪超過1,500戶有需要嘅家庭。

冀訪3萬有需要家庭

滙豐不嬲都人馬鼎盛,派出嘅義工人數梗係最多啦!誓師禮之後,嘉賓團探訪咗兩個家庭,一個係住喺石硤尾靠綜援維生嘅新移民家庭;另一個係住喺元州邨一對年逾80歲嘅長者夫婦。呢次「義工大行動」由去年十二月至今年四月,會動員2萬名來自社會各階層嘅義工,計劃探訪及送上心意禮品包畀3萬個有需要嘅家庭,今年更以「義工同心樂共融」為題,鼓勵少數族裔人士及新來港人士加入助人行列。

余絲韻