本文重點
阿里巴巴嘅馬雲一向強調旗下公司將客戶與員工放喺首位，但重視員工權益並唔等於放縱員工。據講喺阿里巴巴集團旗下支付寶最近舉行嘅年會上，馬雲就唔客氣咁訓斥支付寶嘅表現未如理想，而支付寶總裁邵曉鋒更被罵到當場流淚！
年會播放投訴錄音
內地《第一財經日報》引述出席周年晚會嘅人士話，當日第一個環節竟然係播放多段客戶致電投訴支付寶嘅錄音，馬雲更親自上台話自己曾經喺多個場合，聽到用戶對支付寶嘅抱怨，佢自己都容忍唔到，又指：「很多公司都活不過5年，而活過5年嘅公司沒經痛楚、折騰亦難獲持續發展，所以支付寶亦必須開始正視自己問題所在！」
面對老闆斥責，負責支付寶日常業務嘅總裁邵曉鋒當眾流下男兒淚，並即場要求其餘15名主管，喺馬雲及全體員工面前承諾會自我反省，保證會上下一心改善用戶嘅體驗。
支付寶目前用戶達2.7億，每日處理交易達12億元人民幣，論成績唔算太差，馬雲咁緊張可能係因為公司面對好多競爭對手，擔心支付寶若未能與時並進，將被對手趕過。
余絲韻