大市認真難搞，內地有意收緊銀根，即時嚇退外資，基金大戶瘋狂沽貨套現，內銀內房成為重災區，即使上證大幅反彈，港股照「車」可也。不過，雖然個市死吓死吓，但唔少股仔仲係炒得瘋狂，總之炒股唔炒市，有勢嘅嘢就唔怕追。
內地有意催谷旅遊，中央已經出政策扶持，自不然會帶起飛機嘅載客量，就連大行亦紛紛睇好航空股前景。東航（00670）去年一度陷入財困，最終要母公司注資救亡，現時內地航空業只剩三個龍頭，去到唇亡齒寒階段，而改善經營環境，以協助航空企業走出谷底，已經是當前急務。東航去年客運量上升18%，反映需求已經持續增加，加上今年在扶持政策實行之下，前景值得好看。尋日有大行睇好航空股，東航亦乘勢炒上，當炒可追，向上睇3.6元，止蝕位定2.5元。
古晨