而同場拍賣的深水埗普陞閣高層B室，就以貼市價嘅168萬元售出，被搶高42%。

Vincent亦收到風，下個禮拜，有不少豪宅業主都透過拍賣放售單位。環亞喺下個禮拜二就有兩個大碼豪宅公開拍賣，其中山頂花園一個低層單位，連車位開價6,800萬元。

另外，大潭浪琴園1座高層A室就以4,800萬元開價，呎價15,454元。

祥益新屯中連開兩舖

市場預期今年樓市續旺，所以唔少地產代理都部署今年大展拳腳，扎根屯門區嘅祥益地產，為鞏固喺新界西區嘅二手市場網絡，最近就搶佔咗兩間新屯門中心嘅分行，令分行數目邁向30間。

祥益地產總裁汪敦敬話，公司計劃今年中之前擴充分行去到35間，而年底希望分行數目可以有40間，下一間即將開幕嘅分行會係屯門卓爾居分行。

汪總又話，至於昨日開張嘅屯門海趣坊龍頭舖，就用咗地產界從未有過嘅立體門面「TV-WALL」。

Vincent Lau