埋單贏過千萬

老詹剛過去嘅除夕日終於結束賭城之旅返到香港，絲絲第一時間問佢今次賭錢最後戰果如何？佢笑到哈哈聲，話自己好好彩，埋單總共贏咗150萬美元，即係過千萬港元，大發新年財。雖然喜形於色，但佢都不忘講番句，賭仔一般都會輸，所以奉勸大家：「最好都係唔好賭！」。

佢今次去賭城玩，留咗15日，除咗兩晚喺飛機上，有13晚住酒店，住過高爾夫球場別墅、又住過新建嘅豪華酒店。仲話自己日日飲靚酒、食好嘢，不過竟然冇肥到，仲輕咗一磅添，真係行運來，乜都順利啲嘅！

老詹賭場得意，施展一兩下散手就贏咗成千萬港元，絲絲就好有興趣佢要幾多賭本先可以贏咁多，點知一向牙擦嘅佢，就話自己都唔使咩賭本，因為拉斯維加斯有六家賭場畀咗信貸額度佢，每家300萬美元，即係過億港元。絲絲真係要寫個「服」字！

余絲韻