本文重點
依家樓價咁高，喺市區搵筍盤確實有難度，要搵樓價細過100萬元嘅單位就難上加難。中原劉月華同Vincent講，屯門區100萬元以下嘅單幢樓近期受到熱捧，仲喺單日內連錄4宗同類成交，其中麗寶大廈中層E室，面積約333方呎，以72萬元連約賣出，呎價約2,162元，買家見單位租金回報有成6.2厘，加上做價吸引而決定入市。佢又話，當日同區利寶大廈高層F室亦以68.5萬元賣出，呎價約1,908元，而買家都係屬於長線投資者。
領峯樓花首拍賣放售
另方面，今日同明日共有22項物業公開拍賣，其中明日會推出單位拍賣的忠誠拍賣部總經理鄭世傑話，近排多咗樓花單位透過拍賣會試價，好似將軍澳領峯7座一個中低層右翼B室樓花單位會透過公開拍賣放售，為該屋苑首次，單位面積962方呎，開價438萬元，呎價4,553元，比市價略低約4%。
至於大額豪宅公開拍賣嘅情況都多咗，同場有九龍站凱旋門2座觀星閣高層B室，開價約為3,700萬元。
Vincent Lau