毅行者撐足全程

Derek平時都鍾意周圍旅行，佢喺上周就沿住台灣高鐵，由台南玩到台中，再由台中玩到台北。佢話今次最開心係去咗台南高雄參加「貨櫃藝術節」，當地將貨櫃當積木咁玩藝術，令人大開眼界。

去旅行之外，Derek仲好鍾意運動，聽聞佢早前代朋友參加上月舉行嘅毅行者，一隊四個人，只有佢完成全程。佢講番當時嘅情況，話非常難忘，星展香港有成二十人做佢嘅支援隊伍，連星展香港及中國零售銀行業務總監王潔鳳（Linda）都親自到場為佢打氣，結果用咗三十幾個鐘頭完成全程。最厲害嘅係，Derek玩完毅行者抖咗一日就照常返工。

余絲韻