靚女鋼琴師坐鎮

呢位年輕貌美嘅鋼琴師名叫Amy Yip，畢業於香港演藝學院，擁有八級鋼琴造詣，呢幾日佢都會喺旗艦中心彈奏優美嘅聖誕樂章，加上有聖誕老人迎賓，成間中心都充滿濃厚嘅聖誕氣氛，客人一入到分行都會感受到佳節嘅來臨。

巨型聖誕老人相當受客戶歡迎，不論男女老幼都爭住同佢合照，好多客人更愛攬住佢嘅肥肚腩！專責獅子銀行香港零售網絡嘅「韓爺」（韓克強），當然唔放過今次與客戶接觸嘅大好機會，佢喺星期一已親自到場，向客戶送上聖誕嘅祝福，兼且探吓班辛苦咗成年嘅同事。絲絲喺度亦向「韓爺」與佢哋旺角旗艦中心嘅同事講聲聖誕快樂！

余絲韻