由於超大屬民企股，投資界一向對民企管治存戒心，故見超大估值一直偏低，現價計往績市盈率才4.8倍。不過，麥格理近日報告指超大嘅公司披露有改善，經深入走訪過後，對公司明顯較為安心，雖然重申公司管治風險尚存，但仍將目標價由4.6元調高至12元，並給予「跑贏大市」嘅投資評級。

本月初以來，超大股價反覆向上，昨日逆市上升5.2%，收報8.46元，似乎真係有大盤捧場。就趁下熱鬧，小注怡情，博走轉快，目標上望9.5元。

配搭其一選錦江酒店（02006），事關早前公司跟同系公司進行資產重組後，發展策略明朗化，投行取態正面，加上公司嘅主營地區為上海市，適逢明年舉行世博，料可帶動區內旅遊業，錦江應可受惠。

另外，雖然近日市況不濟，但若細心留意，卻不難發現有大戶在收集內需股。畢竟內地講到明會繼續打「內需牌」，內需股股價跌到咁上下又會見到大盤出嚟護航。中國動向（03818）近月股價偏軟，但成交未見大增，加上估值較同類股低，相信股價回落至5.2-5.3元水平具承接，低吸此其時。

帥哥