昨日恒指重上22,000點樓上，而油價回落多日後，於現水平暫見支持，昨日石油及石化股都有不俗表現，其中石油和天然氣鑽探機產銷商的宏華集團（00196），雖然早前受壞消息影響下跌，走勢一直較落後同業，但近日股價似乎於1.55元已找到支持，昨日升2.5%，收報1.61元，成交亦見顯著增加，當中亦不乏大行的蹤影。
好似在過去二十個交易日中，極訊亞太現身買盤就達182次，但期內並無任何現身沽盤。此外，現身買盤比較積極的還有摩根士丹利同里昂，分別有172及142次。由此可見，其實唔少大行早已趁低位入唔少貨，今次在成交配合下，再作上揚，不排除集團短期會有異動，不妨加以留意。
事實上，宏華自高位回落，現已屆非常吸引水平，大行又儲落唔少貨，不妨小注一博。
（小尾）