歷任保監專員主禮

絲絲收到亞洲保險封邀請信時，一睇主禮嘉賓張名單，除咗現任保監專員蔡淑嫻之外，仲有香港賽馬會董事葉澍堃、海關關長袁銘輝及4位政府部門署長，全部都係以前做過保監專員，淨係睇亞洲保險以及監管機構嘅合作歷史，已經突出到亞洲保險嘅歷史性。

講起成立五十周年，絲絲又要「話當年」，提吓陳弼臣、陳有慶兩代嘅傳奇故事，當然絲絲咁後生，都係聽說老前輩講古。話說兩代人由內地到泰國，由泰國到香港，再擴大到成個亞洲，淨係陳弼臣十幾歲喺泰國會計、拉車等乜嘢工都做，發展到創立盤谷銀行及亞洲金融，真係峰迴路轉，絲絲到時如果見到陳有慶，要佢原汁原味講古仔，一定更過癮！

余絲韻