唔會與中芯「爭食」

李察仲話，唔會做同中芯競爭嘅事情，而且節能環保早就響佢心目中萌生創業大計咁話喎，六十有一嘅李察果然唔能夠停下來。其實絲絲一位做半導體行業嘅老友之前都講過，話半導體呢行可轉嘅行頭好窄，如果唔係做番半導體，就多數都會做環保節能行業（尤其太陽能發電方面），如今李察果真轉做環保，都算食正個潮流，皆因講人氣，環保點都熱過半導體啦。

訪問中，李察又提到自己差唔多成九年冇返過台灣，絲絲記得當年李察同台灣嘅關係搞到好僵，一個話唔承認佢公民嘅身份，一個又話唔返去都冇所謂，但李察今次接受訪問時就話自己已離開中芯嘅管理層，時空同背景都唔同，佢相信台灣當局同有關部門一定會用很好嘅方法去處理佢嘅事喎。

余絲韻