本文重點
尋日絲絲同「亞洲金融論壇」策劃委員會成員食飯，佢哋透露論壇至今已確認唔少猛人出席，有「末日博士」魯比尼、國際貨幣基金組織總裁卡恩等。委員會主席兼滙豐銀行執行董事王冬勝，唔知最捧邊個講者場呢？
王冬勝話，好多都想聽，記得今年大摩亞洲區主席羅奇在論壇時，曾提出中國經濟未必可保持高增長，今次唔知羅奇有乜嶄新嘅睇法？
王冬勝想聽羅奇高見
王冬勝仲話今次係第三屆論壇，冇杜拜嘅代表出席，因佢哋賴債事件發展成點，根本都冇人知，所以覺得杜拜方面暫時唔會講太多意見。
講番個論壇，喺明年一月廿至廿一日舉行，出席嘉賓都係巨星，仲有中投董事長樓繼偉及交行（03328）董事長胡懷邦等，另有「日圓先生」之稱的T原英資仲會做名譽顧問。記得今年一月嘅第二屆「亞洲金融論壇」撞正股市低位，好多人都好迷失，到明年一月份，氣氛應該好啲啩。
余絲韻