本文重點
絲絲嘅傳媒好友話，尋日返工時睇到枱頭有封信件，打開一看，原來係一張聖誕卡，見到卡面嘅風景一片雪蒙蒙，都好有聖誕feel，再看聖誕卡嘅簽名，係署名好工整叫Stephen（史提芬）嘅人，傳媒好友思量良久也毫無頭緒到底係邊個史提芬，再睇落去見到行黑色字，先知原來係大笨象嘅牧師主席葛霖。
廣發各地傳媒朋友
聽啲傳媒好友講，佢哋跟咗大笨象新聞咁多年都冇收過佢哋主席或CEO嘅聖誕卡。據講葛霖今次好似係廣發聖誕卡畀不同地區向來跟佢哋新聞嘅傳媒朋友，相信有份收卡嘅傳媒都會覺得好溫馨，始終係一番心意。
聖誕卡封面係用咗佢哋嘅同事Timothy Radmacher喺美國俄勒岡州哥倫比亞河峽谷落完大雪後，在夜月光照耀下嘅屋仔照片。
余絲韻