08/12/2009

播放本新聞相關短片
查詢股票編號

鑊鏟快線:首長寶佳值博率高

近日二、三線股走勢相當強勁,資金開始逐個板塊炒,內地剛公布首11個月汽車產量及銷售量,雙雙突破1,200萬輛之數,汽車股再度發威,惟過去一個多月,汽車股累計已經升咗兩倍以上,似乎高追風險唔細。

汽車銷量升,其實唔一定要高追汽車股,仲可以追啲汽車零部件商,好似專做汽車輪胎專用鋼簾線嘅首長寶佳(00103),今年首季行業低潮時,錄得1,774萬元虧損,但四月時中央出咗個汽車業扶持計劃,內地汽車銷量嘭嘭聲回升,第二季寶佳轉為錄得近億元盈利,一來一回後令上半年盈利達到7,583萬元,相信隨住汽車銷情上升,寶佳盈利自當可作三級跳。

翻看資料,寶佳每股資產淨值都有1.03元,跟現價差唔多,風險一定細過啲汽車股,而且有新廠房快將投產,在憧憬來年產能大增下,尋日見佢率先炒上,暫時向上睇1.4元,止蝕位定0.9元。

古晨