上個月嘅百萬公屋當中，三宗係短炒，當中有賺有蝕，好似大埔太和邨新和樓高層十室，業主喺今年九月以一百一十萬元購入，持貨兩個月以一百零三萬元賣出，蝕七萬元，而另一個上水天平邨天怡樓高層十四室，業主持貨五個月以一百零四萬元將單位賣出，賺四十八萬元。今年首十一月累錄七十二宗百萬公屋，已突破去年全年水平。

長實酒店內地攞獎

本港嘅酒店一向具國際水準，長實（00001）昨報喜，該集團旗下嘅８度海逸酒店，日前喺廣州舉行嘅「2009廣東國際旅遊展覽會」中，獲頒「2009年度最具風格設計明星酒店」殊榮。該公司發展部策劃經理姚志偉話，酒店巧妙應用傾斜及圖案等設計技巧，令賓客即被震撼嘅視覺效果吸引。其中酒店大堂最能代表嶄新嘅設計理念，因為無論天花、門柱等全都以八度傾斜面。

（Vincent Lau）