05/12/2009

播放本新聞相關短片
查詢股票編號

絲絲講場:歐智華膺年度歐銀行家

一直被視為滙控(00005)下任CEO大熱嘅滙控執行董事兼滙豐銀行環球銀行及資本市場行政總裁歐智華,近日被西方媒體《Financial News》選為年度歐洲銀行家,為佢順利登上CEO寶座再添勝算。

滙控九月時突然宣布新嘅人事任命,除咗掌管美國及亞太區嘅集團行政總裁紀勤將辦公室搬返嚟香港之外,絲絲仲記得,兩位執行董事歐智華及霍嘉治被分別委以重任,前者會負責集團歐洲及中東業務,以及原有嘅環球銀行業務;後者就負責拉丁美洲及非洲業務,佢哋三個人形成「三分天下」嘅局面。

競逐滙控CEO添勝算

因為咁嘅分工關係,歐智華及霍嘉治就成為紀勤接班人嘅兩大熱門人選。雖然誰勝誰負未到最後一刻都未知,但歐智華一直主理嘅環球銀行及資本市場業務,係集團今年嘅業績亮點,首三季嘅盈利創新高,可算為佢打咗一支強心針,如今又拎埋呢個獎項,相信佢真係好有機會「跑出」。

余絲韻