呢排好多專業團體頒發公司企業管治獎項，尋日就輪到上市公司商會。上市公司商會主席羅嘉瑞以前係上市委員會主席，有份創立創業板，佢講公司管治都算夠晒資格。佢話如果冇上市企業嘅完善公司管治，股市健康發展根本無從談起，過去一年市場環境咁富挑戰性，公司管治更加重要。佢認為紀律、透明度及可靠性係得獎公司脫穎而出嘅主要因素。
睇番今屆嘅得獎名單，主板公司（恒指成分股）組別嘅得獎公司有中國海洋石油（00883）、利豐（00494）及思捷環球（00330）；主板公司（恒生綜合指數成分股）組別嘅得獎公司就有中國中鐵（00390）、中國糧油控股（00606）及新濠國際（00200）。交通銀行（03328）獲得「評獎委員嘉許」，至於白馬戶外媒體（00100）就獲得「最佳進步獎」。
芸芸得獎者中，絲絲覺得最特別都算係新濠國際，公司主席係何猷龍，佢亦係上市公司商會前主席，佢尋日當然畀面親自出席頒獎禮。
余絲韻