本文重點
平保（02318）今年嘅保險業務增長好強勁，尤其係產險業務，下半年突然間發力，超越咗長期以來雄霸第二位嘅太保，一舉登上全國第二嘅寶座，真係可喜可賀。絲絲聽喺平保打工嘅表妹話，佢哋形容平保產險賣嘅係「礦泉水」，仲話今年到依家已經賣咗300幾億人仔嘅「礦泉水」添！
相信大家都同絲絲一樣，聽到一頭霧水，一問之下，先知道呢個典故原來係出自平保老細馬明哲。話說平保有幾百萬名員工，馬明哲成日都要諗一啲簡單易明嘅生活事例，去演繹一啲經營管理哲學。
賣300幾億唔睇得小
最近佢就講咗個礦泉水原理，佢話礦泉水總係被擺放喺超市內最入嘅位置，原因係礦泉水利潤低，想買礦泉水嘅消費者喺超市行出行入嘅過程中，可能就會買啲原本唔想買嘅嘢，例如朱古力、花生等，而呢啲零食嘅利潤都唔低。
佢形容平保產險就等如礦泉水，平保今年淨係「礦泉水」就賣咗300幾億，認真犀利。
余絲韻