藍籌指數隨時代轉變

話說恒生指數公司會喺下周一公布公司新動向，順便公告天下，話畀大家知恒生指數已推出四十周年。絲絲聽聞佢哋唔會有大型慶祝活動，只會公布公司未來會有啲乜嘢新指數推出。

絲絲翻查資料，恒生指數喺六九年十一月二十四日推出，係香港最早嘅股票市場指數之一。初期恒指作為香港藍籌股指數，主要量度及反映本港市值最大及成交最活躍嘅上市公司股價表現，三十三隻恒指成分股數目已成為大家心目中嘅幸運數字。

但隨着九三年首隻國企股引入香港，本港愈嚟愈多國企股上市，佔港股市值及成交量亦一直上升，恒指亦要跟隨大時代轉變而變身，破天荒引入H股為成分股，而且仲將成分股數目上限增至五十隻。

唔知到恒指五十周年時，仲有乜嘢改變呢？

余絲韻