尋日中移舉行「藍海戰術」發布會，王建宙話新業務對公司依家係前所未有咁重要，佢提到依家中移嘅覆蓋已經無處不在，總共有50幾萬個基塔，倫敦市市長上月就搵咗一班專家去當地畀意見，睇吓倫敦喺基建上面有乜嘢可以改善，以迎接二○一二年嘅奧運，王建宙都喺被邀之列。

地鐵打唔通點迎奧運？

佢巡完場後就同市長講，話倫敦嘅地鐵好靚，但係就收唔到電話，到咗奧運時就好唔掂，以佢經驗，通訊對奧運非常重要，而中國嘅情況就唔同嘞，唔單止地鐵收到，升降機、地下室一樣收到，就算喺喜馬拉雅山都無問題喎。倫敦市市長話佢哋搞好耐都係做唔到，所以已盛意拳拳咁叫中移交計劃書，王建宙話依家準備緊畀意見佢哋。

依家王總已經60歲，但依然要周圍頻撲，忙到無停手，展望將來，佢除咗要加快開拓新業務之外，仲要好好搞埋4G，所以相信都未必會咁快退休。王總自己都話作為上市公司嘅領導，退休並唔係個人嘅問題，如果佢決定退休時一定會最快話畀大家知。

余絲韻