絲絲見到一位台灣地產界老行尊，佢話最近多咗港資組團去台灣考察，但真正出手嘅就唔多，大地產商更加唔見影。佢仲叫絲絲畀分數，如果10分係滿分，咁究竟港商對台灣市場嘅興趣係3分定係8分？絲絲都感受到佢哋期待嘅心情，但台灣市場對於外來投資者嘅開放度始終未夠高，件事唔急得嚟。

天匯變旅遊景點？

仲有個團友話畀絲絲聽，佢今次香江遊最有興趣係參觀天價樓盤天匯，可惜地產商唔肯。哈哈！絲絲都估唔到，香港嘅豪宅已經變成旅遊景點？

至於台灣縣市長們就好落力咁自吹自擂，一向幽默風趣嘅台中市長胡志強尋日趁台北縣長周錫偉唔得閒嚟，就同人講話若想買又貴而又質素麻麻嘅樓，就應該去台北，想平靚正就一定要去台中嘞！

余絲韻