本文重點
10年前科網概念興起，錢果豐以先驅者姿態將中國首個入門網站China.com安排到美國納斯達克（NASDAQ）上市；10年過去，由China.com撥歸至中華網（08006）嘅入門網站業務迄今未見異彩，作為集團創始人之一嘅錢果豐自言感到「慚愧」，可幸喺默默耕耘下，今日CDC集團（前身為China.com）原來已喺企業軟件業務取得一定成績！
China.com當初喺美國上市時，曾被寄望會成為中國嘅Yahoo，錢果豐尋日有感而發，話中華網嘅入門網站業務與其他後起之秀相比，自己亦感「慚愧」，幸好中華網嘅派息尚可，對股東總算有啲交代。
CDC軟件力拓大中華
錢果豐話，繼CDC軟件今年八月成功喺納斯達克分拆上市後，CDC軟件亦將大力拓展大中華市場，並會喺本港科學園建立「雲運算」（Cloud Computing）嘅研發中心，勢必要發揮本港人才優勢。他仲話，CDC集團亦有意喺明年再將網絡遊戲業務分拆到納斯達克上市添！
余絲韻