07/09/2009

播放本新聞相關短片
 
股價號碼: 

鑊鏟快線:五礦建設見底反彈

內地股市插完水,終於有番個似樣反彈。內地好港股自然好,恒指即時彈番五舊幾,重上20,000點大關,股民信心都返晒嚟。上個禮拜啲股仔日日一、兩成咁跌,累計跌四、五成者大有人在,其實到禮拜四開始,已經見佢哋郁郁哋,今次反彈,單日升兩成亦有唔少,如果把握得好,炒即日鮮都夠晒和味。

雖然博股仔大反彈都幾刺激,但古晨就偏向穩中求勝。內房股經過一個月來嘅調整,好多都初步見支持,好似隻五礦建設(00230),八月曾以2.2元配股集資4.5億元,用以收購母公司嘅房地產項目,配股後股價一度插落1.8元,今次跟大市調整,又係跌落1.8元就反彈,睇嚟1.8元已經係調整底線,不妨小注買啲,向上睇2.6元,再跌穿1.8元就止蝕。

古晨