上證指數昨日大插，早前市場仲估上證在2,800點打底後，可望回升，結果係反彈3,000點不穿，沽壓更大，昨日急跌6.7%都無反彈，都算奇觀。股市最講信心，大市日日升啲人唔怕高追，相反一跌再跌，市場失咗信心，可以跌到你唔信。今次上證會否再一跌不起，古晨唔知，只知有勢唔怕追，無勢莫強求。
市況咁差，短炒可避則避，不過古晨留意到近期金價轉強，大有破1,000美元大關之勢，估計一旦升穿頂，1,300美元都有得見。金價強自然炒金礦股啦，古晨較鍾意隻瑞金礦業（00246），瑞金的金礦屬於多金屬礦石，佢嘅平均黃金品位更係內地最高之一，近期股價回試完低位反彈，正係上車最佳時機，向上睇10元，而止蝕放於6.2元近期低位。
古晨