26/08/2009

播放本新聞相關短片
 
股價號碼: 

絲絲講場:內地企業家網絡筆戰

作文比賽有好多,但大陸叱咤商界嘅企業家轉戰文壇,你又見過未?平時只會喺經濟版見到嘅劉永好、陳游標、馬蔚華、李書福、俞敏洪、江南春等都會一較高下。

「以心為文」網民畀分

佢哋參加嘅係「三十省企業家『心』概念作文大賽」,第一批參加嘅30位行業風雲人物以「心」為主題,撰文與大家分享人生經歷及個人思想。大賽嘅終極目的不在於比鬥文采高低,而係為公眾提供一個了解企業家嘅窗口,凝聚全社會嘅力量。

聽到「以心為文」的主題後,江蘇黃埔嘅陳游標、新希望嘅劉永好、華旗資訊嘅馮軍等多位知名企業家均答應提筆作文。

絲絲研究過呢30位企業家嘅背景,佢哋都係房地產、IT產業、媒體、娛樂、通訊、製造業等各大產業嘅行業翹楚,主辦單位話歡迎每一位企業家參與,網民更可參加作文評論及投票。除咗根據網絡點擊、網民投票及網友評論綜合得分評出總排行榜外,比賽仲設置咗最佳人氣獎、最具文采獎、最感人故事獎、最勵志獎、媒體特別獎等10個單項獎。

余絲韻