大市終於創出今年高位，上周三曾急跌，顯然無嚇怕市場信心，鑊鏟友繼續埋頭苦炒，難得現時咁旺市，唔炒埋一份的確係笨。近期啲股仔真係紅爆半邊天，在資金過剩下，今次股仔熱潮睇怕仲未退，部分急升完整固中嘅股仔，就最值得留意。
中國礦業（00340）過往有唔少基金揸，早前一口氣衝上0.5元，都整固咗成兩個月，上周初再現動力，可惜周三嚇一嚇就腳軟，跌番落0.45元水平，不過維持得唔錯。集團年初收購咗國家農業產業化重點龍頭企業星願，藉此進軍內地茶業，概念夠晒新，該股一向炒味甚濃，股價在0.4元收集多時，睇怕遲早都會炒上去，適逢上周三跌市回試低位，現價正正是最佳上車機會，向上睇0.7元，而止蝕位不妨放於0.4元。
古晨