初到券行買股碰壁

Matthew讀中學時，電視劇《大時代》熱播，佢話：「嗰時『丁蟹』好出名，劇情好緊湊，我真係愈睇愈興奮，亦令我覺得股票係一件好玩嘅事。」不過佢睇完《大時代》後未有即刻去鑽研同買股票，反而熱衷足球活動，更試過贏得班際足球比賽冠軍。

幾個月大嘅Matthew眼仔碌碌，流露天真嘅眼神。	媽媽曾經為救Matthew而弄傷腳，正在塗藥。	大學畢業時，Matthew嘅表弟、表妹送上鮮花祝賀。

直到升讀大學一年級，Matthew才拿出萬零蚊嘗試買股票，當時更發生咗一件搞笑事件：「我同朋友去證券行諗住畀錢買股票，去到先知買股票原來要先開戶口，但當時證券行職員可能見我哋只有萬幾蚊，唔算大戶，所以態度麻麻地，最後我哋決定唔幫襯佢，轉咗去銀行開戶。」雖然Matthew第一次投資就失敗，不過就上咗寶貴嘅一課，畢業後更踏上金融之路。

余絲韻