經過周三A股震盪後，昨日港股波幅依然未減，不過市場開始炒股唔炒市，股仔仍然一片歌舞昇平，熱錢不停流入，新流入資金繼續喺市場搵平嘢買，早前熱炒嘅股仔升咗咁耐，近日都開始抖吓氣，反而新進股仔就愈炒愈有，始終市場一句錢多，相信各位鑊鏟友暫時都不愁寂寞。
近日多家大行唱好鋼鐵股，內地鋼鐵已經由淨出口轉化為淨入口，反映需求持續上升，加上鐵礦石將大幅降價最少33%，期內煤炭價格又大跌50%，對鋼鐵企業的經營環境相當利好，近期一眾鋼鐵股已經畀基金掃上，重慶鋼鐵（01053）較落後，集團業務隨着四川地震後的重建工程展開，對鋼鐵需求持續增加，自然值得看好，在追落後下，絕對有權炒上5元，而止蝕位不妨定於3.3元。
古晨