大市突破20,000點，一眾餓股多時嘅基金，一舉入市追貨，除了一眾成分股係目標外，航運股及鋼鐵股在錢多過貨下，無不鑊氣十足，基金入市掃貨，只求貨不問價，班鑊鏟友就最開心，格格追格格炒，金管局繼續不停接錢，相信派錢派對仲未玩完。
古晨留意到隻好落後嘅遠東發展（00035），近期出咗支旗形，昨日剛剛準備突破，估計今日破1.9元機會甚大，量度計可以見2.4元，現價買仲有兩成幾水位。翻查大股東邱達昌曾於五月中，以高溢價行使可換股債券，增持咗遠東2.61億股，令佢嘅持股量由22.74%增至38.84%，計番遠展每股資產淨值絕對唔止1.9元，股價遠低於資產值，如果今日呈現突破，不妨考慮跟進，以2.4元作為目標，跌穿1.7元先考慮止蝕。
古晨